Giya Paçxataşvili

Yetimlik -

         keçilməz bir qala,

Üstünə dərdlərim daraşır,

                   qalaq-qalaq…

Eləcə yaşayıram -

Lamaranın ağrılarını qoparan,

Onu cənnətə aparan

Ölümün könlünü ala-ala…

22.05.2014

Lamaranın Lamarasız doğum gününə…

İçi qara qara adamlar,

Qara bayramını qara elədilər.

Onlar beləcə üstümə

İddialı nifrətini ələdilər…

Sənli həyatımı

Göy əskiyə bələdilər.

Neynək… onlar belədirlər…

Kilsədə adına şamla birgə

Ürəyimi yandırdım…

Allaha allahsızlığını

                            qandırdım.

…Rəhmli olsaydı əgər

Lamaraya qıym azdı.

Torpağın altında,

Torpağın yeddinci qatında

Onu Giyasız qoymazdı…

28.08.2014