Buz heykəl haqqında...

Buz heykəl haqqında...

Dostum Giya Paçxataşvliyə (Giviyə)

Hər gecə ilıq yuxular görüb
Kipriyini qirpıb gülərdi...
Görmədiyi xoş gün kimi
Yuxusu al-əlvan olardı...
Bəzən çox üşüyərdi
Yayın gəlin çağında...
Ümidləri düzülərdi
Həsrət budağında
tənha ağacın...
Hər gecə yuxusunda
heykəl görərdi-buz heykəl
Qucaqlasa, qucağı dolardı soyuqla...
Hər gecə yuxuda
Uzaqlarda yanan ocaq görərdi
Üşüyərdi, üşüyərdi buz yorğanda...
Anasını axtarardı buz heykəllər arasında...
İradə KÖVRƏK